Ф.1278. Оп.1. Д.5. л. 15. 1-кат

Кир. ССР г. Фрунзе Дом печати Союз Советских писателей Кыдырбаевой Курман

Амандык кат!!! 17.08.43 г. Курман эже, кандай аман эсен дени-кардың соо жакшы турасызбы? Мен аман эсен дени-кардым соо жакшы окуп жүрөм. Эже сенин 02.08. жазган катыңды да, андан мурунку катыңды алганмын, жообун жаздым эле алдыңбы? Эже Фрунзеде турмуш кандай? Фатима тателериме жана башкаларга салам айт. Сенин жиберген 300 с. Акчаны алдым. Эң чоң рахмат. Үйдөн кат алып турам. Турмушум жакшы. Сибирге азырынча көндүм, кышында кандай болор экен. Окуй турган окуу планыбыз октябрдын башына чейин, октябрдын аягында чыгарат. Мындан бөлөк акча жибербе. Курсту бүткөндөрдүн баары фронтко кетип жатат. Биз да бүтүү менен фронко барабыз. Самаркандагы училищени расформировать эткенден кийин Пржевальскиден чогу келген жолдошторум ар жакка кетишти. Бирөнөн кат келди, фронтто экен бирө Ташкентте радиотелеграфистердин курсунда. Документтерде Кыдырбаев Галий Заитович деп жазып жүрөм. Катты бат бат жазып тур. Кош кош аманчылыгыңды тилеп кат жазуучу Галий 17.08.43 г.